Zerbitzu integrala laguntzarekin
Irisgarritasunari buruzko aholkularitza-zerbitzu orokor bat eskaintzen dugu. Zerbitzu horrek barne hartzen ditu diagnostikoa eta hobekuntza-proposamenak, erabiltzaileak baliozkotzeko plana gauzatzea, ebaluazioa eta aholkularitza lortutako helburuen komunikazioan. Hori guztia, prozesu osoan etengabe lagunduz.
Irisgarritasunaren hiru dimentsio jorratzen ditugu:
Irisgarritasun fisikoa
Arkitektura, barne-diseinua, alderdi sentsorialak (argiztapena, akustika, materialak) barne hartzen ditu.
Komunikaziorako irisgarritasuna
Transmititu beharreko mezuak diseinatzean eta mezu horiek jasotzeko moduak diseinatzean datza, hartzaileengana modu eraginkorrean irits daitezen eta erraz uler daitezen (seinaleak, kokapena, barneko eta kanpoko komunikazioa).
Gizarte irisgarritasuna
Askotariko premiak dituzten pertsonei arreta emateko prestakuntza barne hartzen du, bai eta gure erakundearen, produktuaren, jardueraren, zerbitzuaren edo ingurunearen irisgarritasun-indarguneak eta -ahuleziak ezagutzeko prestakuntza ere.
Aholkularitza zerbitzua:
1. Irisgarritasun-egoera errealaren diagnostikoa.
2. Jarduketa-plana: irisgarritasuna hobetzeko irtenbideak edo/eta alternatibak proposatzea.
3. Hobekuntza-plana abian jartzen laguntzea eta irisgarritasun-irtenbide espezifikoak ezartzea.
4. Irisgarritasun-proiektuak gauzatzea: beharrezko dokumentazioa idaztea eta lanak kudeatzea eta gauzatzea.
5. Erabiltzaileen irisgarritasunari eta esperientziari buruzko aholkularitza online zerbitzuetarako, hala nola webguneetarako, aplikazio mugikorretarako eta sare sozialetako edukien kudeaketarako.
6. Ekitaldi inklusiboak antolatzeko aholkularitza.
